DURBAR SQUARE -KATHMANDU-NEPAL 14

30/04/2013 DURBAR SQUARE -KATHMANDU

UNESCO  ലോക പൈതൃക പട്ടികയിൽ ഉള്പ്പെടുത്തിയ പ്രദേശമാണ്  കാത് മണ്ടുവിലെ ദര്ബാ൪ സ് ക്വയ൪ അഥവാ ഹനുമാൻധോക്ക . .നേപ്പാൾരാജാവിന്റെ പാലസും ദര്ബാറും ഇവിടെയാണ്‌.കൊട്ടാരങ്ങളും ക്ഷേത്രങ്ങളും പരമ്പരാകൃതശൈലിയിലുള്ള കെട്ടിടങ്ങളും ചെറിയ മാര്ക്കെറ്റുകളും ഒക്കെയുണ്ട് ദര്ബാ൪ സ് ക്വയറിൽ .പതിനാറാം നൂറ്റാണ്ടിൽ പ്രതാപ മല്ല രാജാവ്  ദുഷ്ട ശക്തികളെയും രോഗങ്ങളെയും ഒഴിച്ച് നി൪ത്തു ന്നതിന്  ഹനുമാ൯ ധോക്ക പാലസിനു മുന്നില് ഹനുമാന്റെ ഒരു പ്രതിമ സ്ഥാപിച്ചു. അങ്ങിനെയാണു ഈ സ്ഥലത്തിന് ഹനുമാ൯ധോക്കഎന്ന് പേര് വന്നത്. കുമാരി ഘ൪ ,കാല ഭൈരവ ക്ഷേത്രം ,കാസ്ത മണ്ഡപം ,മഞ്ചു ദേവാൾ തുടങ്ങി ഒട്ടേറെ കാഴ്ചകളുണ്ട്‌ ദ൪ബാ൪സ് ക്വയറിൽ.

 മഞ്ചു ദേവാൾ

മഞ്ചു ദേവാലിന്റെ മുന്നിലാണ് ഡ്രൈവർ ഞങ്ങളെ കൊണ്ടുവിട്ടത്‌ .തിരികെ ഹോട്ടലിൽ എത്താനുള്ള  വഴിയും കാണാനുള്ള കാഴ്ചകളും അദ്ദേഹം പറഞ്ഞു തന്നു ..16 -നൂറ്റാണ്ടിൽ നിര്മ്മിച്ച മൂന്നു നിലയുള്ള കെട്ടിടമാണ് ഇത്. ഇതിനുള്ളിൽ ശിവക്ഷേത്രം സ്ഥിതി ചെയ്യുന്നു.നേപ്പാളി പഗോഡ ശൈലിയിലാണ് മഞ്ചു ദേവാലിന്റെ നിര്മ്മാണം നടത്തിയിരിക്കുന്നത്. ദ൪ബാ൪ സ് ക്വയറിലാകെ ഇത്തരത്തിലുള്ള കെട്ടിടങ്ങൾ ഒരു പാടുണ്ട് ..ശില്പ ചാതുരിയുള്ള കൊത്തു പണി കൊണ്ട് മിക്ക കെട്ടിടങ്ങളും അലങ്കരിച്ചിരിക്കുന്നു . തടിയിലുള്ള കെട്ടിടങ്ങളാണ് കൂടുതലും. ശിലാ ശില്പങ്ങളും ഇവിടെ കാണാനുണ്ട്.

കാലഭൈരവ ക്ഷേത്രം

തൊട്ടടുത്തു തന്നെയാണ്  കാലഭൈരവ ക്ഷേത്രം .തുറസ്സായ സ്ഥലത്ത്  കാലഭൈരവന്റെ വലിയ ഒരു പ്രതിഷ്ഠ. പൂജാ സാധനങ്ങളുടെയും വഴിപാടുകളുടെയും കച്ചവടം തിരക്കിൽ നടക്കുന്നുണ്ട്. കുങ്കുമവും നെയ്‌ ദീപങ്ങളും വാങ്ങി ഭക്ത൪ വഴിപാടും പ്രാ൪ത്ഥനയും നടത്തുന്നു.ക്ഷേത്രത്തിന്റെ മുന്നിലെ തിരക്കിൽ കയറി ദര്ശനം നടത്തി ഞാനും ആ തിരക്കിന്റെ കൂടെ ഒരു ഭക്തനായി ...

 ജഗന്നാഥ ക്ഷേത്രവും പ്രതാപ് ധ്വജവും 

ഒരു ഒറ്റക്കൽ തൂണിന്റെ മുകളിൽ പാലസിനു അഭിമുഖമായി പ്രതാപ മല്ല രാജാവിന്റെ വെങ്കല പ്രതിമ ..ജഗന്നാഥ ക്ഷേത്രത്തിനു മുന്നിലാണ് ഈ ധ്വജം .ക്ഷേത്രത്തിലും പരിസരത്തും നിറയെ പ്രാവുകൽ..ദ൪ബാ൪ സ് ക്വയറിന്റെ എല്ലാ ഭാഗത്തും നിറയെ പ്രാവുകളെ കാണാം .