30 / 04/ 2013 DURBAR SQUARE - KAATHMANDU
കുമാരി ഘ൪
ദര്ബാര്സ് ക്വ യറിന്റെ ഒരു ഭാഗത്ത്‌ തന്നെയാണ് കുമാരി ചൌക്ക് . ഇവിടെയാണ്‌ നേപ്പാളിലെ ജീവിക്കുന്ന ദേവതയായ കുമാരിയുടെ ക്ഷേത്രം (വാസസ്ഥലം ).പ്രായപൂര്ത്തിയാകാത്ത ചെറിയ പെണ്‍കുട്ടിയാണ് തലേജു ദേവതയുടെ പ്രതിരൂപമായ കുമാരി .നേപ്പാളിന്റെ രാജ ഭരണത്തിലുൽപ്പെടെ കുമാരിയുടെ അംഗചലനങ്ങൾ പോലും സ്വാധീനം ചെലുത്തുന്നു .ശാക്യരീതിയിലുള്ള വിശ്വകര്മ്മ വിഭാഗത്തിലെ ഗോള്ഡ് സ്മിത്ത് സമുദായത്തിലെ പെണ്‍കുട്ടികളെയാണ് കുമാരി ദേവതയായി തെരഞ്ഞെടുക്കപ്പെടുന്നത് .
കുമാരി ചൌക്കിലെ പാലസ്സില്നിന്നും പ്രത്യേക ചടങ്ങുകൾക്കല്ലാതെ കുമാരി പുറത്തിറങ്ങാറില്ല .കുമാരിയുടെ പാദം നിലത്തു തൊടാതെ സൂക്ഷിക്കുന്നതിന് പ്രത്യേകം സേവകരുണ്ട് .ഇപ്പോഴത്തെ കുമാരി മൂന്നാം വയസ്സു മുതൽ ദേവതാ പ്രതിരൂപമായി വല്ലപ്പോഴും സന്ദര്ശകര്ക്ക് ദര്ശനം നല്കി ഇവിടെ വാഴുന്നു.നിലവിൽ കുമാരിക്ക് 8 വയസ്സുണ്ട് .
കുമാരിമാ൪ ഋതുമതിയാകുന്ന സമയത്ത് അവരുടെ ദേവചൈതന്യം അവരെ വിട്ടു പോകുന്നു എന്നാണ് വിശ്വാസം ..തുടര്ന്നു പെന്ഷനോട് കൂടി ദേവതാ സ്ഥാനത്തു നിന്നും കുമാരിക്ക് പിരിയാം . ദേവതാ സ്ഥാനത് നിന്നും മാറിയാൽ സാധാരണ ജീവിതം നയിക്കുന്നതിന് ഈ പെണ്കുട്ടികള്ക്ക് തടസ്സമൊന്നുമില്ല .(പക്ഷെ ദേവതയായിരുന്ന പെണ്‍കുട്ടികളുടെ ഭ൪ത്താക്കന്മാ൪ ചെറുപ്പത്തിലേ മരണപ്പെടുമെന്ന് മറ്റൊരു വിശ്വാസവും ഇവിടുണ്ട് .)
പുരാതന നേപ്പാളി ശൈലിയിലാണ് കുമാരി ഘറിന്റെ നി൪മ്മാണവും .ചുവന്ന ഇഷ്ടിക കൊണ്ട് നിര്മ്മിച്ച കെട്ടിടത്തിന്റെ ജനലുകളും വാതിലു കളുമെല്ലാം നന്നായി കൊത്തു പണികൾ കൊണ്ടു മനോഹരമാക്കിയിട്ടുണ്ട് .ഇടുങ്ങിയ കവാടത്തിൽ അകത്തു കടക്കാനുള്ള സന്ദര്ശകരുടെ നല്ല തിരക്കു് .അതിനിടയിലൂടെ നൂണ്ടു കടന്ന് ഞങ്ങളും ക്യൂവിൽ ഇടം പിടിച്ചു. കവാടത്തിന്റെ പടിയിൽ പാസ്‌ നല്കുന്നുണ്ട്. അകത്തു കടന്നാൽ കാണുന്നത് വിശാലമായ ഒരു നടുമുറ്റ മാണ് .നമ്മുടെ നാട്ടിലെ നാലുകെട്ടുകളുടെ ഉള്ളിലെ നടുമുറ്റവും തുളസിത്തറയുമാണ്‌ ഓര്മ വന്നത് ..മൂന്ന് നിലകളിലായുള്ള കെട്ടിടത്തിന്റെ നടുമുറ്റത്തേക്ക് എല്ലാ വാതിലുകളും ജനാലകളും തുറക്കുന്നു ..എല്ലാ വശത്തും കൊത്തുപണിയുടെ സൌന്ദര്യം കുമാരി ഘറിനെ ആകര്ഷകമാക്കുന്നു. നടുമുറ്റത്ത്‌ ചില ചെടികളൊക്കെ നട്ടു വളര്ത്തിയിട്ടുണ്ട്. ഉള്ളിലേക്ക് കയറിയവരെല്ലാം കുമാരിയുടെ ദര്ശനത്തിന് കാത്തു നില്ക്കുകയാണ് ..ശബ്ദമുണ്ടാക്കരുതെന്നും കുമാരി വരുമ്പോൽ കാമറയും മൊബൈലും ഓഫ് ചെയ്യണമെന്നും അവിടെയുള്ള സെക്യുരിറ്റി ജീവനക്കാർ എല്ലാവരോടുമായി പറയുന്നുണ്ട് .ഏതാണ്ട് പത്തു മിനുട്ട് മുകളിലെ കിളിവാതിലിൽ ഒരു അനക്കം ..ആരൊക്കെയോ വന്നു താഴേക്കു നോക്കുന്നു.അപ്പോൾ സെക്യുരിറ്റി ജീവനക്കാർവീണ്ടും കാമറയും മൊബൈലും ഓഫ് ചെയ്യണമെന്നും കുമാരി ഇപ്പോൾ ദര്ശനം തരുമെന്നും പറഞ്ഞു.എല്ലാവരുടെയും ശ്രദ്ധ മുകളിലെ കിളിവാതിലിലേക്കായി .അതാ ഞങ്ങൾ കാത്തിരുന്ന ജീവിക്കുന്ന ദേവത കിളിവാതിലിൽ എത്തി താഴേക്കു നോക്കി നില്ക്കുന്നു.കടും ചുവപ്പുവസ്ത്രമണിഞ്ഞ്‌ മുഖത്ത് മേക്കപ്പു ചെയ്ത് കണ്ണുകൾ നീളത്തിൽ എഴുതിയ കൊച്ചു ദേവത.കുട്ടിത്തം മാറാത്ത കുസൃതി കണ്ണുകൾ ..ഒന്നോ രണ്ടോ മിനുട്ട് അവിടെ നിന്ന ശേഷം ദേവത ഓടി മാറുന്നതു കണ്ടു . എല്ലാവരും കുമാരി ദര്ശന ത്തിനു ശേഷം പുറത്തേക്ക് ...ഞങ്ങളും ..വിശ്വാസത്തിന്റെ വിവിധ മുഖങ്ങളും രീതികളും സമ്പ്രദായങ്ങളും ..
No comments:
Post a Comment