yathramanjushree: DECCAN-MAHARASHTRA

14/11/2013 DECCAN-MAHARASHTRA

ഡക്കാണ്‍ പീഠഭൂമിയിലേക്ക്‌ :

2013 നവംബ൪ 14 ന് രാത്രി കൊച്ചിയിൽ നിന്നും പൂ൪ണ്ണ എക്സ് പ്രസ്സിൽ യാത്ര തുടങ്ങുമ്പോൽ വാതിലുകളില്ലാത്ത ഇന്ത്യ൯ ഗ്രാമം ശനിശിഗ്നാപ്പൂരും പിന്നെ അജന്ത- എല്ലോറ ഗുഹകളുമായിരുന്നു ലക്‌ഷ്യം .ടിക്കറ്റു ബുക്ക് ചെയ്തതിനു ശേഷം ചില മനക്കണക്കുകൾ ഉണ്ടാക്കിയിരുന്നെങ്കിലും യാത്രാവേളയിൽ അത്തരം യാതൊരു പ്രോഗ്രാം ഷെഡ്യൂളും കയ്യിലെടുത്തിരുന്നില്ല.

സ്ലീപ്പ൪ കോച്ചിലെ രാത്രിയുറക്കം ..നേരം പുലരുമ്പോൾ വണ്ടി കര്ണാടകത്തിൽ..മംഗലൂരും ഉടുപ്പിയും കടന്ന് കൊങ്കണ്‍ പാതയിലെ തുരങ്കങ്ങളിലൂടെയും മലമടക്കുകളിലൂടെയും വണ്ടി കടന്നു നീങ്ങി .പൂനെയിൽ സ്ഥിരതാമസമാക്കിയ ഓ൪ഡിനൻസു ഫാക്ടറി ഉദ്യോഗസ്ഥൻ മാത്യു സാറും കുടുംബവും ആയിരുന്നു അടുത്ത സീറ്റിൽ .അദ്ദേഹത്തിന്റെ മകൻ അപ്പു ക്രിക്കറ്റ് പ്രേമിയാണ്‌ ..എന്റെ സുഹൃത്ത്‌ അഖിലും അപ്പുവും വാങ്കഡേ സ്റ്റേഡിയത്തിലെ ഏതൊക്കെയോ ക്രിക്കറ്റുകളികളെപ്പറ്റി വിശദമായി ചര്ച്ച ചെയ്യുന്നുണ്ട് .പതിയെ മാത്യു സാ൪ മൂന്നു കുത്ത് ചീട്ടു പുറത്തെടുത്തു ..പിന്നങ്ങോട്ട്‌ ആവേശകരമായ റമ്മി കളി ..മഡ് ഗാവിൽ നിന്നും ബെൽഗാമിലെക്കുള്ള യാത്ര കൊടും വനാന്തരങ്ങളിലൂടെയാണ്.പശ്ചിമഘട്ടത്തിലെ ദക്ഷിണഗോവ -ഉത്തര കര്ണാടക അതി൪ത്തിയിലെ ഭഗവാ൯ മഹാവീ൪ വന്യജീവിസങ്കേതത്തിനുള്ളിലൂടെയാണ് റെയിൽപ്പാത കടന്നു പോകുന്നത് .പ്രശസ്തമായ ദൂധ് സാഗ൪ വെള്ളച്ചാട്ടം ഈ യാത്രയിൽ കാണാം.നാല് നിലകളിലായി മണ്ടോവി നദിയിലെ ഈ വെള്ളച്ചാട്ടതിന്റെ 2 ഭാഗങ്ങൽ റെയിൽ പ്പാളത്തിനു മുകള്ഭാഗത്തും 2 ഭാഗങ്ങൽതാഴെയുമാണ്.ഒട്ടേറെ ചെറുപ്പക്കാ൪ റെയിൽവേ ട്രാക്കിലൂടെ ദൂധ് സാഗ൪ ട്രെക്കിങ്ങിനു പോകുന്നുണ്ട് . തുരങ്കങ്ങൽക്കുള്ളിലൂടെയും പ്രകൃതിരമണീയമായ വനഭംഗികളിലൂടെയും കാസിൽ റോക്ക് സ്റ്റേഷനും കടന്ന് രാത്രിയോടെ ബെൽഗാമിലെത്തി.അവിടെ നിന്നും സന്ഗ്ലി ,സത്താറ സ്റ്റേഷനുകളും പിന്നിട്ട് പുലര്ച്ചെ 5 മണിക്കു തന്നെ പൂണെ സ്റ്റേഷനിൽ വണ്ടി എത്തി .നല്ല ഉറക്കത്തിലായിരുന്ന എന്നെയും അഖിലിനെയും മാത്യുസ൪ വിളിച്ചെഴുന്നെല്പ്പിച്ചു. യാത്ര പറഞ്ഞു പോയ അദ്ദേഹം മടങ്ങി വന്ന് എന്റെ ഫോണ്‍ നമ്പ൪ വാങ്ങി .ആവശ്യങ്ങളു ണ്ടെങ്കിൽ വിളിക്കണമെന്നു പറഞ്ഞ് അദ്ദേഹത്തിന്റെ നമ്പരും തന്നു .സ്റ്റേഷനു പുറത്തിറങ്ങി ഹോട്ടലന്വേഷിച്ചു .അധികം അകലെയല്ലാതെ ബസ് സ്റ്റാന്റിനു സമീപം ഒരു ലോഡ്ജിൽ മുറിയെടുത്തു .ഫ്രെഷ് ആകേണ്ട ആവശ്യം മാത്രമേയുള്ളൂ എന്ന് പറഞ്ഞിട്ടും ലോഡ്ജുകാരൻ വാടക കുറച്ചു തന്നില്ല . ഒരു ചെറു വിശ്രമം .അതിനു ശേഷം ബസ് സ്റ്റാന്റിലെക്കു നീങ്ങി.