30/04/2013 SWAYAMBHUNATH STHUPA -(MONKEY TEMPLE) -KATHMANDU
Swayambhunath Stupa കാത് മണ്ടു നഗരത്തിൽ നിന്ന് മൂന്ന് കി മീ ദൂരെ മാറി ഒരു കുന്നിൻ മുകളിലാണ് .ഒരു കുന്നിൻ ചെരുവിലൂടെ കയറിച്ചെന്ന് സ്തൂപ ത്തിന്റെ കവാടം വരെ ടാക്സിയിൽ കൊണ്ട് വിട്ടു.
കൃസ്തുവിനു മുൻപ് മൂന്നാം നൂറ്റാണ്ടിൽ ഈ സ്തൂപം നിര്മ്മിച്ച തായി പറയുന്നു .ഗേറ്റ് കടന്നു ചെല്ലുംപോൾ കുളത്തിനുള്ളിൽ നില്കുന്ന ബുദ്ധനെ കാണാം. തൊട്ട ടുത്തു തന്നെ ഒരു സ്വിമ്മിംഗ് പൂളും ..നമുക്കുള്ളതല്ല ആ പൂൽ ...കുരങ്ങന്മാര്ക്ക് കുളിക്കാനുള്ള താണ് ..
SWAYAMBHUNATHA സ്തൂപത്തിന്റെ മറ്റൊരു പേരാണ് മങ്കി ടെമ്പിൽ . കുരങ്ങന്മ്മാരുടെ താവളമായതിനാലാകണം ആ പേര് ..കുറച്ചു നേരം കുരങ്ങന്മാരുടെ കുളി കണ്ടതിനു ശേഷം സ്തൂപത്തിലേക്കുള്ള സ്റ്റെപ്പുകൽ കയറാൻ തുടങ്ങി..ഇടതു വശത്തായി പബ്ളിക് ടോയിലെറ്റു ഉണ്ട് .നേപ്പാളിലെ ടൂറിസ്റ്റു സ്ഥലങ്ങ ളിൽ സ്ഥിരം കാണുന്ന ഒരു ബോർഡ് അവിടെയും കണ്ടു. "USAGE CHARGES FOR TOURISTS FROM SAARC COUNTRIES -FREE " പക്ഷെ കാശ് കൊടുക്കാതെ നേപ്പാളി മാമന്മാർ സമ്മതിക്കില്ല ..ഞങ്ങളും സാർക്കാണെന്നൊക്കെ പറഞ്ഞു ..പണം വാങ്ങാൻ ഇരിക്കുന്ന ആള് തന്നെ അവിടെ മാങ്ങാ ,കടല കരിക്ക് കച്ചവടവും നടത്തുന്നുണ്ട് ..കരിക്ക് വെട്ടുന്ന കിടിലൻ വാക്കത്തിയും മുന്നില് തന്നെ ഇരിപ്പുണ്ട്.തർക്കിക്കാനൊന്നും ഞങ്ങൾക്ക് തോന്നിയില്ല ..പതിയെ നടകൾ നടന്നു കയറി ..ഒരു പാട് വൃക്ഷങ്ങൾ ഈ കുന്നിൽ മുകളിലുണ്ട് .ശരിക്കും ഒരു റിസർവ് ഫോറസ്റ്റ് തന്നെ. വഴിയിലെ മരങ്ങളിലെല്ലാം ബഹു വർണ്ണ കൊടികൾ .സ്റ്റെ പ്പു കയറി ചെന്നെത്തുന്നത് ഒരു നാലു നില കെട്ടിടത്തിന്റെ മുന്നിലാണ്.അതിന്റെ ഇരു വശത്തു കൂടിയും നടപ്പു വഴിയുണ്ട് ..മുൻപേ പോകുന്നവരെ ഞങ്ങൾ പിന്തു ട ർന്നു ..ചെറു ചെറു പഴയ കെട്ടിട ങ്ങൽ ..കൌതുക വസ്തു ക്കളുടെ കച്ചവടങ്ങൾ ..പെയിന്റിങ്ങു കൾ വില്ക്കുന്ന ധാരാളം കടകളുമുണ്ടിവിടെ .അത്തരം ഒരു കടയിൽ ഒരു പെണ്കുട്ടി വിൽക്കാനുള്ള പെയിന്റിങ്ങു വരയ്ക്കുന്നത് ഞങ്ങളെ ആകര്ഷിച്ചു.PORTRAIT കളും LANDSCAPE കളും അതി മനോഹരമായി എണ്ണച്ചായത്തിൽ വരച്ചു വിൽക്കാൻ വെച്ചിരിക്കുന്നു..കാഴ്ചകൾ കണ്ടു എത്തിയത് ബുദ്ധ സ്റ്റാച്ചുവിന്റെ മുന്നിലാണ് .അവിടെ നിന്നും ഒരു ചെറിയ തട്ടിലേക്ക് കടന്നാൽ വിശാലമായ മുറ്റം.മുറ്റം നിറയെ നമ്മുടെ തുളസിത്തറയോ ബലിക്കല്ലോ പോലെയുള്ള ഒരു പാട് നിർമ്മിതികൾ .. ഇതിനിടയിൽ പുരാതനമായ ഒരു സൂര്യ ഘടികാരവും കണ്ടു.
ഈ നടുത്തളത്തിന്റെ നാലുപാടും മാലകളും ലോക്കറ്റുകളും മുഖംമൂടികളും വില്ക്കുന്ന കടകളാണ്.ഇവിടെ നിന്നാൽ സ്തൂപം ശരിക്കും കാണാം ..ബൌധനാഥിലേതിനോളം വലുതല്ല ഇവിടത്തെ സ്തൂപം. സ്തൂപത്തിനു ചുറ്റും വിളക്കുമാടങ്ങളും PRAYER WHEEL കളും. സ്തൂപത്തിനു നേരെ എതിർവശത്തു ഒരു മൊണാസ്ട്രി ഉണ്ട് .ഇടുങ്ങിയ ഇടനാഴിയിലൂടെ അതിന്റെ രണ്ടാം നിലയിൽ അവരുടെ എന്തോ PRAYER ചടങ്ങുകൾ നടക്കുന്നുണ്ട്. അവർക്ക് ബുദ്ധി മുട്ടാകുന്ന രീതിയിൽ ഫോട്ടോ എടുക്കരുതെന്ന് താഴെ നിന്നു തന്നെ പറഞ്ഞിരുന്നു. വലിയ നീളമുള്ള നാദ സ്വരം പോലത്തെ ഉപകരണങ്ങളും ചെണ്ടകളും ഒക്കെ ഇടയ്ക്കു വായിക്കുന്നുണ്ട്.ശബ്ദ മുണ്ടാക്കാതെ അതിന്നുള്ളിൽ കയറി ആരാധനാമൂർത്തിയെ വണങ്ങി ഞങ്ങൾ ചടങ്ങുകൾ കണ്ടു.ഒന്നും മനസ്സിലായിട്ടല്ല..
MONASTRY യുടെ താഴത്തെ നിലയിൽ ബുദ്ധന്റെ വലിയ സുവർണ്ണ സ്റ്റാച്ചു മനോഹരമായി അലങ്കരിച്ച തട്ടിൽ എല്ലാവര്ക്കും അനുഗ്രഹം ചൊരിഞ്ഞു നില്ക്കുന്നു...MONASTRY യുടെ പുറത്തിറങ്ങി സ്തൂപത്തിന്റെ മറു വശത്ത് ചെന്നാൽ കാത്ത് മണ്ടു നഗരത്തിന്റെ വിശാലമായ ആകാശക്കാഴ്ച്ച കാണാം ..കാത്ത് മണ്ടു നഗരത്തിന്റെ വലിപ്പം ഇപ്പോഴാണ് ശരിക്കുംമനസ്സിലായത്. കുറച്ചു നേരം കാത്ത് മണ്ടു നഗരത്തിന്റെ കാഴ്ച്ച കണ്ടു നിന്നു. പിന്നെ സ്തൂപത്തിനു വലം വെച്ച് ഈ കുന്നിൻ മുകളിൽതന്നെ യുള്ള പുരാതന MONASTRYയിലേക്ക് പോയി ..പോകുന്ന വഴിയിൽ മുഴുവൻ കുരങ്ങുകൾ ..അമ്പലത്തിന്റെ പേര് കൊള്ളാം ..താഴെ വനമേഘല യിൽ മരച്ചുവടുകളിൽ ഭാവിജീവിതം "ചര്ച്ച ചെയ്യുന്ന" കമിതാക്കൽ ..ഒരു ചെറിയ ഗേറ്റ് കടന്നു OLD MONASTRY യിലെത്തി ..അവിടെ തീരെ തിരക്ക് കുറവായിരുന്നു. കുറച്ചു ബുദ്ധ സന്യാസിമാർ അമ്പലം വൃത്തിയാക്കുകയും മറ്റും ചെയ്യുന്നുണ്ട്.അവിടെയും ഒരു VIEW POINT ഉണ്ട്. ബഞ്ചുകളിൽ കുറച്ചു പെണ്കുട്ടികൾ ഇരുന്നു സംസാരിക്കുന്നുണ്ട് ..കാലിയായിക്കണ്ട ഒരു ബെഞ്ചിൽ കുറച്ചു നേരം അവിടെയും ഇരുന്നു ...പിന്നെ പറഞ്ഞ സമയത്തു തന്നെ ..........ഒരു അര മണിക്കൂർ വൈകി വണ്ടിയിലെത്തി ..തിരിച്ചു നടയൊക്കെ ഓടിയിറങ്ങി ..ഇനി കാണാനുള്ള സ്ഥലങ്ങളെല്ലാം DURBAR SQUARE നു അടുത്താണ് ..അതു കൊണ്ട് കാലഭൈരവ അമ്പലത്തിനു മുന്നിലോ കുമാരിഘറിനു സമീപമോ വിടാമെന്ന് ടാക്സിവാല പറഞ്ഞു. തിരികെ ഹോട്ടലിലേക്കു പോകാനുള്ള വഴിയും അദ്ദേഹം പറഞ്ഞു തന്നു.
